Úsáideann breis is 3 bhilliún duine i mbreis is 180 tír WhatsApp1 chun fanacht i dteagmháil le cairde agus le teaghlach, am ar bith agus áit ar bith. Is aip saor in aisce é WhatsApp2 agus cuireann sé cur teachtaireachtaí agus glaonna slándála simplí iontaofa ar fáil ar ghutháin fud fad an domhain.
1 Is imeartas focal é WhatsApp ar an bhfrása 'What's Up' i mBéarla.
2 D'fhéadfaí go mbeadh táillí sonraí i gceist.
Bunaíodh WhatsApp mar rogha eile ar SMS. Tacaíonn ár dtáirge anois le héagsúlacht meán a sheoladh agus a fháil: téacs, grianghraif, físeáin, doiciméid, agus suíomh, chomh maith le guthghlaonna. Comhroinntear roinnt de na hócáidí is pearsanta i do shaol le WhatsApp, agus sin an fáth a bhfuil criptiú ó cheann go ceann mar bhunchuid dár n-aip. Taobh thiar de gach cinneadh a dhéantar maidir leis an táirge atá an mhian againn gan aon bhac a chur ar chumarsáid idir daoine ar fud an domhain.
Bhunaigh Jan Koum agus Brian Acton WhatsApp, beirt a chaith 20 bliain ar an iomlán ag Yahoo. Chuaigh WhatsApp isteach le Facebook in 2014, ach leantar le hoibríochtaí mar aip ar leith agus dírítear ar sheirbhís curtha teachtaireachtaí a fhorbairt, seirbhís a oibríonn go gasta iontaofa áit ar bith ar domhan.